El rei asegura que "únicamente trabayando xuníos" puen afrontase les situaciones más difíciles y superales

Felipe VI tresllada tola so solidaridá y la de toa España a la población de La Palma

Felipe VI aseguró esti vienres que la pandemia evidenció que "únicamente trabayando xuníos" puen afrontase les situaciones más difíciles y superales, al empar qu’alertó de que "la fraxilidá de los valores democráticos" obliga a actuar de manera "firme, permanente y constante".

Na so intervención na ceremonia de los Premios Princesa d’Asturies, celebrada otra vuelta nel Teatru Campoamor d’Uviéu, el rei felicitóse de que la crisis sanitaria afitare que la sociedá española ye "fuerte, responsable, madura, solidaria y con gran capacidá de superación", anque lo consideró insuficiente.

"La pandemia sirvió pa reafirmar la convicción sobre’l beneficiu de trabayar xuntos y pa comprender que, únicamente trabayando xuníos pol bien común de toos, ye posible afrontar les situaciones más difíciles y salir victoriosos d’ella", recalcó’l monarca énte dellos miembros del Gobiernu y el líder del PP, Pablo Casado.

El monarca centró’l so discursu en cómo afitar la recuperación, con un recuerdu solidariu pa los habitantes de La Palma pola erupción del volcán.